اهتمام المراة المسلمة
,’، نحن سعداء بتشريفك لمنتدانا
’,، فأهلاً بك عطْراً فوَّاحاً ينثرُ شذاه في كلِّ الأَرجاء ,’،
,’، وأهلاً بك قلماً راقياً وفكراً واعياً نشتاقُ لنزفه ’,،
’,، وكلنا أملٌ بأن تجد هنا ,’،
,’، مايسعدك ويطَيِّب خاطرك ’,،
’,، فِي إنْتظَارِ هطولِ سحابة إبداعك ,’،
,’، نتمنى لَك التوفيق ومزيداً من التوهج ’,،
’,، تَحيّاتِي وَتَقْديرِي ,’،

&&&&&&&&&&&&&
نرجو تسجيلك معنا


اهتمام المراة المسلمة و دورها في المجتمع
 
الرئيسيةالبوابةاليوميةس .و .جبحـثالأعضاءالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» توصيات فيسبوكية
الخميس أغسطس 01, 2013 9:15 am من طرف عيشوشة

» لاحولة ولاقوة الابالله العالي العظيم
الأحد يوليو 15, 2012 1:29 pm من طرف عيشوشة

» هذه الصلوات لحصول المراد
الإثنين يونيو 18, 2012 1:44 am من طرف Admin

» 50مخالفة تقع فيها النساء
الأربعاء يونيو 13, 2012 11:21 pm من طرف عيشوشة

» لا تحزن
الأربعاء يونيو 06, 2012 12:23 am من طرف ام معاذ

» الثمر والرطب والحامل والواضعة والنفساء والمرضع
الأربعاء مايو 30, 2012 2:55 am من طرف ام معاذ

» الفراق المر
الأربعاء مايو 30, 2012 2:50 am من طرف ام معاذ

» العسل وصحة الفم.
الثلاثاء مايو 29, 2012 5:29 pm من طرف بشائر

» العسل وقشرة الرأس
الثلاثاء مايو 29, 2012 5:19 pm من طرف بشائر

نوفمبر 2018
الإثنينالثلاثاءالأربعاءالخميسالجمعةالسبتالأحد
   1234
567891011
12131415161718
19202122232425
2627282930  
اليوميةاليومية
التبادل الاعلاني

انشاء منتدى مجاني




شاطر | 
 

 نصيحة قبل الزواج

اذهب الى الأسفل 
كاتب الموضوعرسالة
Admin
Admin


المساهمات : 117
تاريخ التسجيل : 23/04/2012
العمر : 32
الموقع : lakefm.montadarabi.com

مُساهمةموضوع: نصيحة قبل الزواج   الأربعاء أبريل 25, 2012 1:06 pm


[size=16]السلام عليكم ورحمة الله وبركاته ..











نقطة مهمة : أنا اكره نصائح الزواج ومستحيل اكون عنصر إضافي في نصائح الزواج ..أغلب اجوبتي تتعلق بفتح المجال لك أكثر بس ادلك على الطريقة اللي انتي تستخرجين فيها الاجابة وتساعدك في سهولة استخراجها ..لكن فكرة اني اعطيكي رأيي الصريح في شغلة او كيف انا او غيري سواها ما أأيد هالكلام لأنه انتي غير وانتي مميزة وانتي أنثى بكل حواسك مختلفة عن البقية..ولو كان في نصائح فهي بديهية واللكل حيكون متفق عليها..


في موضوع كل ما دخلته ضااااق صدري .. ( .. ) .. وما ادري ليش اعذب نفسي وادخله من فترة لفترة ..



لأكثر من سبب..



البنات ماخذين سالفة الزواج بشكل مضخم ..يعني انو اجي اسأل وشو العطر اللي استخدمه في الملكة وايش العطر اللي ينفع في الزواج وايش العطر اللي …. الخ



بناااااااااات العطر اللي يعجبك ريحته خذيه ..



ولا مثلا أسئلة .. وش ألبس صباحية الزواج ؟!! تكفون ساعدوني والله احترت ..



واللي تقول فستان والثانية تقول ما ينفع لون كذا وشكل كذا وهذاك انعم ..



إلبسي اللي يعجبببببببك ..انتي حرة وانتي أدرى في زوجك .,



اسئلة ثانية ..انا شريت عدد معين من الفساتين والخرابيط وعدد ثاني من تنانير قصيرة .. تكفي ؟؟



انتي وش ناقصك؟ وش تحسين دولابك لازم يتعبى منه؟ جيبيه وكفاية انتي تعرفين نفسك ايش حتلبسين وايش ما رح تلبسين ..



اللي ينفع مع بنت ما رح ينفعك معاكي ! اقدر اشتري كلللللل تنانير العالم بس ما رح ألبس الا اللي انا ابغاه ..!!







طيب نبدأ بالقصة من أولها ..












الشــوفة الشرعية ..




وش ألبس؟ كيف امسك العصير واقدم لمين وفين اجلس وايش اتكلم ..وش اسوي؟



إلبسي شيء أنيق عندك .. تخيلي نفسك بتروحين عزيمة وتبين تطلعين حلوة وخلاص بناء عليها إلبسي وتضبطي..


فكرة انك تروحين المشغل عشان تصلحين عمرك انتي حرة بس لا تكونين أوفر ..
ابد كأنك طالعة عزيمة .. تطلعين اللبس اللي تبين و تضبطين شعرك وميك اب خفيف ..
تمسكين صينية العصير وتدخلين زي المؤدبة ههههه تقدمين العصير للكبير في المجلس ثم الصغير .. وتحطينه ع الطاولة
وتجلسين في مكان يمديك تقزين فيه كويس .. ونصيحتي مهما كنتي جريئة بتجيكي ربشة وربكة ولا رح يمديكي تشوفين مرة
حتى لو انتي حاطة عينك في عينه تحسين زي الحلم مغبشة الصورة هههههه .. اذا عندكم شباك لا تقصرون طلي وتفرجي وخذي راحتك وبعدين ادخلي ..
وعادي الوضع بعدها يصير باقي الكلام، ما أدري عن عوايد البعض .. اكيد هو حيسألك ويخليكي شوية تتكلمين لأنه الجنتل مان هو اللي حيتكلم عشان يزيل الإحراج شوي .. احيانا الراحة ما تجي بس مع الشكل ..د. طارق الحبيب يقول في بنات ينحبون عشان ابتسامتها او طريقة كلامها او حركة معينة منها ..ونفس الشيء للرجل .. لازم يحكي ويبتسم شوي عشان تروح رهبة الموقف..
لكن شوفة طرشان هذي ابدا اللي ما أأيدها اكيد ما حيرتاحون لبعض شيء طبيعي انا لو جلست مع وحدة وبس تناظر فيني وما تبي تتكلم شيء طبيعي ما ارتاح لها …
فركزي ع موضوع الابتسامة وخليكي لطيفة .. لا تعبسين ولا تنزلين كثير وجهك في الأرض .. لو تلبسين إسوارة تلتهين فيها شوي عشان الاحراج .. الأسئلة النقاشية والقوية خليها لأهلك اللي فيها امور ضرورية إعتمدي عليهم يتناقشون فيها مع الخطيب، إنتي اذا جيتي دخلتي وحبيت تتكلمين يكون تعارف من باب انك تشوفين كيف يتكلم وكيف صوته وكيف طريقته .. يمكن يسألك اشياء عميقة تتعلق بعلاقتكم مو مشكلة جاوبي وخليكي صريحة لا تضغطين على نفسك وتقولين شيء انتي مو مقتنعة فيه او ما رح تسوينه..








طيب انا استخرت و ما ارتحت ولا ابي! وش اسوي؟


سؤال مين قال اصلا انه الاستخارة تعطيكي شعور إلهي بالراحة او غير الراحة مين اللي زرع فينا هذه الفكرة من اساسه! أولا الاستخارة هو انك تلجئين لربي بكل مافيكي مسلمة امرك لربي .. و خلاص تتركين الموضوع بين يدين ربي ..لو فيه خير لك حتتسهل كل الأمور قدامك وتنفتح الأبواب قدامك ..ولو مافيه خير سبحان الله حتشوفينه هوا راح من نفسه او تتقفل الامور وتصير مواضيع تعطل هالشيء و مو بس كذا !! ربي يعوضك بعدها باذن الله بشيء فيه خير اكثر !! هذه هي الاستخارة مو مشاعر أنثوية تتعرض للمد والجزر !


انا فكرتي اول عن الزواج انه زواج عمياني وانه ما ابغى واكشط واربح ولا ابي كذا !! واكيد مع كلام الناس والمجتمع وافكارك الشخصية يصير عندك ردة فعل طبيعية بعد الشوفة تقولين ما ابي ..! ابي اجلس في غرفتي و بين اغراضي وما ابي اعيش مع شخص شفته للمرة الأولى ..مين هوا اصلا عشان اغامر بنفسي واعيش معه تحت سقف واحد !!


بس دقيقة قبل زحمة كل هالأفكار!





انتي اللي تختارين يكون عمياني واكشط واربح..!
إياكي تمثلين انك متزمته في الدين وانتي عادية ! اياكي تمثلين انه عادي عندك اشياء كثيرة وحاطة في بالك انك تغيرينه !! مثلا ما تتقبلين الدخان بس توافقين على مضض عشان قلك حتغيرينه!! ليه الكذب والتمثيل؟؟ وبعدين ترجعين تقولين ايش الحياة الزفت هذي اللي انا عايشتها انا ما ابغى كذا !! .. لو استمريتي على تمثيل المثالية لابد حيجيكي وقت تطفشين وتدركين انك ضغطتي على نفسك وانه في حاجات انتي ما تتقبلينها ولا تقدرين تتعايشين معها! وتكونين انتي ولا الرجال مو من ثوب بعض وكله عشان قصة المثالية او إدعاء شخصية ثانية عشان يتقبلك او عشانك خايفة ..! لا حبيبتي انتي تختارين حياتك وخليكي طبيعية الا اذا كنتي مستحية من الشخص الي انتي عليه اليوم هذا كلام ثاني ..! اذا انتي فيكي عيوب وتبغين تغيرينها وفيكي ارادة واصرار تبين تغيرينها خلاص مو معناتها تروحين تقولين له انا عيوبي كذا وكذا وابغاك تتقبلني !! لا طبعا .. !
الشيء اللي تعتبرينه عيوب وتبغين تغيرينها في نفسك ..خليها بداخلك و إشتغلي عليها واجتهدي في تخطيها ..
أما الاشياء اللي من وجهة نظرك ماهي عيوب وانتي حاطتها اساسيات في حياتك اذن لا تساومين فيها وتتوقعين انك حتكسبين ..


زي مثلا لو حيسكنك في بيت اهله وانتي ما تبغين ..بس سكتتي عشان لما تكونين معه في نفس البيت تغيرين افكاره وتقنعينه !!


برأيي هالكلام عباطة !! اذا ما تبين تسكنين في بيت اهله تكلمي وقولي من الأول! مو تلعبين ألعاب نفسية وتدورين وتلفين وتتوقعين بتغيرين افكاره وبعدين يصدمك بعكس توقعاتك وتعيشين دراما انتي سببها وانتي اللي خلقتيها ..واذا انتي راضية وما عندك مشاكل ويجي احد يقول لك لااا تسوين ولا تروحين ولا تحطين .. بالاول وبالاخير ارجعي لصوت ضميرك وصوت قلبك ..


ارجع اقول مرة ثانية .. المسلمين على شروطهم ! قولي ايش تبغين وهو يقول ايش يبغى ويا تتفقون يا بلاش ! ومحد يخسر نفسه ولا يخسر افكاره على المستويات الاجتماعية والدينية والفكرية !! هذه الثلاث مستويات مهمة لازم تكون متقاربة ..


.. بالنسبة لموضوع الاستخارة لما تقولين ما ارتحتي فكري في قرارة نفسك، ليه انا مو مرتاحة ! بتقولين مدري كذا احس مو مرتاحة !! طيب فكري فكري .. مو تجيكم اوقات تحزنون وتتضايقون ولما احد يسألكم ايش فيكم تقولين مدري كذا متضايقة !!
فكري … انا ليه ما ابغى اتزوج ..وانا ايش ابغى من الزواج .. وانا ايش اللي ما ابغاه في الزواج .. هل الشخص هذا رح يحقق هالمتطلبات ..هل انا رح احقق متطلباته هو .. هوا ايش يبغى من الزواج .. وايش ما يبغى من الزواج .. هل انا قد هالكلام ولا رح اظلمه معي ..


هي دائرة ان اكتملت وكانت متكاملة يصير حلوو برضو يبيلها شوية منطق وتفكير وتحليل … لكن شغلة ” احس مو مرتاحة” .. اقدر اقول انها تخضع لأحاسيس متلخبطة وهرمونات حايسة و ضيقة صدر و عوارض ما قبل الدورة و مخاوف من الزواج و خوف من تغير الحياة ..



تستخيرين يعني تسلمين امرك لله وتمشين في الموضوع وانتي موكلة ربي … ان كان فيه خير حتنفتح لك الابواب وان كان فيه شر حتتقفل كل الابواب وتنفتح ابواب افضل منها باذن الله ..







[/size]


عدل سابقا من قبل Admin في الثلاثاء مايو 15, 2012 2:30 am عدل 1 مرات
الرجوع الى أعلى الصفحة اذهب الى الأسفل
http://lakefam.montadarabi.com
ام معاذ



المساهمات : 37
تاريخ التسجيل : 24/04/2012

مُساهمةموضوع: رد: نصيحة قبل الزواج   الثلاثاء مايو 15, 2012 2:17 am

Embarassed
هايل وانا اريد نصائح بعد الزواج
Laughing Laughing Laughing
الرجوع الى أعلى الصفحة اذهب الى الأسفل
 
نصيحة قبل الزواج
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اهتمام المراة المسلمة :: القسم العام :: البيت والاسرة-
انتقل الى: